120,000 fletëpalosje origami për të krijuar flamurin, artistja nga Kosova thyen rekordin Guinness

Artistja nga Kosova  Arbnora Fejza – Idrizi nga komuna e Skenderajt ka thyer rekordin Guinnes duke krijuar Mozaikun më të Madh Origami me flamurin e Republikës së Kosovës. Arbnora ka krijuar flamurin e Kosovës në palestrën Sportive të qytetit ndërsa lajmin e ka bërë publik edhe politikani nga Kosova,  Bekim Hamëz Jashari.

Ndërsa arstistja thotë se flamuri u ndërtua me shumë punë e përkushtim për të festuar ditën e pavarësisë. Fejza-Idrizi shprehet se punimet për flamurin kanë zgjatur 1 vit e katër muaj.

“1 vit përgatitje, 4 muaj për të krijuar mbi 120,000 fletpalosje origami, 13 orë punë intensive me gjithë ekipin për të krijuar Mozaikun më të Madh Origami më Flamurin e Republikës së Kosovës dhe për të vendosur një rekord të ri botëror.” /abcnews.al/