I zhgënjyer, por aspak i dorëzuar. Alex Del Piero nuk e ka pritur aspak mirë humbjen e Juventusit në fushën e Portos mbrëmjen e kaluar, por legjenda e bardhezinjve beson se djemtë e Pirlos do e rikthejnë rezultatin 2-1 dhe do të kualifikohen në çerekfinalet e Champions League.
“Shpesh kemi folur rreth rëndësisë së Moratës në sulmin ndaj portës kundërshtare. Sulmimi i thellësisë i jep mundësi skuadrës të ketë më shumë opsione për të thyer mbrojtjet kundërshtare. Juventusit i mungoi sulmi në thellësi përballë Portos.
Chiesa dhe Kulusevski ktheheshin shumë pas për të marrë topin. Gjithsesi, jam shumë i bindur që në sfidën e kthimit do të shohim një tjetër Juventus, si nga aspekti emocional edhe nga vëmendja ndaj skuadrës kundërshtare”, deklaroi Del Piero. /abcnews.al
