Barcelona-PSG është një nga çiftet më të forta të raundit të 1/8 në Champions League. Dueli i parë luhet nesër në mbrëmje në “Camp Nou”, aty ku të dy ekipet do të tentojnë të hedhin një hap drejt kalimit në çerekfinale.
Në një prononcim për kanalin zyrtar të klubit, Mauricio Pochettino flet rreth duelit ndaj skuadrës katalanase. Nënkampionët e Evropës shihen si favoritë, por trajneri argjentinas është kundër këtij etiketimi.
“E kam parë evolucionin që ka pësuar Barcelona prej momentit që ka ardhur trajneri i ri. Ata kanë nisur një rrugëtim të ri dhe kanë hyrë në një kapitull të ri. Janë një skuadër e fortë me ide të qarta.
Barcelona ka lojtarë të shkëlqyer, të cilët janë mësuar me fitimin e trofeve. Po flasim për një klub të madh dhe fitues, ashtu siç jemi edhe ne“, theksoi trajneri i PSG-së. /abcnews.al
