Një muaj pas pengmarrjes janë shpëtuar 15 marinarët turq që u rrëmbyen nga piratët pranë Nigerisë. Mediat turke raportojnë se marinarët janë në gjendje të mirë shëndetësore.
Piratët, të cilët bastisën anijen, rrëmbyen 15 nga 19 anëtarët e ekuipazhit të anijes, e cila po lëvizte nga Lagos, Nigeri në Kejptaun, Afrika e Jugut.
Ministri i Jashtëm turk Çavuşoğlu pasi bisedoi me kapitenin e anijes u shpreh se “Ambasadori ynë u takua me kapitenin. Ata janë mirë me shëndet. Ne gjithashtu informuam familjet, e zhvilluam këtë proces në fshehtësi” tha ai./ db/ Abcnews.al
