Juventusi ndryshoi taktikë sot përballë Romës. Bardhezinjtë fituan 2-0 në shtëpi, sfidë të cilën e analizon trajneri Andrea Pirlo në Sky Sport, duke zbuluar edhe ndryshimin e bardhezinjve.
“E dinim se çfarë ndeshje na priste dhe ishim përgatitur shumë mirë. E kishim të qartë që nuk do të ishte e lehtë të përballeshim me Romën me intensitet të lartë. Luajtëm mirë në mbrojtje, u treguam të aftë në markimin e kundërshtarëve.
Kemi rigjetur entuziazmin e munguar, tani jemi më të fortë dhe të mbledhur si skuadër. Po shfaqemi tepër të kujdesshëm në fazën mbrojtëse. Gjithmonë jam ndjerë mirë si trajneri i këtij grupi lojtarësh.
Më pëlqen mënyra se si sillen kampionët tanë. Ne sot luajtëm ndeshjen që zhvilloi Roman në takimin e fazës së parë. E studiuam ndeshjen në mënyrë të kundërt dhe shfrytëzuam hapësirat që lanë ata.
Mund të na shihni duke luajtur kështu edhe në të ardhmen. Sa jam rritur? Gjatësia ime nuk ka ndryshuar (qesh). Kam një skuadër të madhe që më ndjek dhe një klub që më mbështet. Në Itali ka shumë taktikë. Bëhet problematike të luash gjithmonë në të njëjtën mënyrë“, përfundoi Pirlo. /abcnews.al
