Loading ...
Kongresmeni demokrat Stephen Lynch ka rezultuar pozitiv për koronavirusin, pasi ishte vaksinuar me të dyja dozat e vaksinës së Pfizer. 65-vjeçari, i cili përfaqëson distriktin e tetë të Massachusetts në Kongres, rezultoi pozitiv për virusin të premten mbrëma, konfirmoi për CNN zëdhënësi i tij.
Lynch ishte i pranishëm në ceremoninë e betimit të presidentin Joe Biden të mërkurën e kaluar, por testi që iu bë para eventit doli negativ. Kongresmeni e mori dozën e dytë të vaksinës së koronavirusit pak para inaugurimit, por zëdhënësi i tij nuk e saktësoi datën se kur konkretisht.
Vaksina e Pfizer nuk është e thënë ta parandalojë domosdoshmërisht COVID-19, por thuhet se është 95 për qind efektive në ndalimin e simptomave serioze që shkaktohen nga koronavirusi.
Lynch është asimptomatik dhe doli pozitiv për virusin vetëm pasi një anëtar i personelit në zyrat e tij në Boston u infektua. s.b/abcnews.al/
