Në verën e vitit 2018 Julen Lopetegui u vendos në krye të skuadrës së Real Madrid, duke lënë Spanjën para Botërorit. Por eksperienca e tij zgjati shumë pak dhe në tetor ai u shkarkua për shkak të rezultateve të dobëta.
Asaj kohe i rikthehet Toni Kroos. Podcastet në Youtube janë kthyer në modë gjatë kohëve të fundit dhe mesfushori është shumë aktiv. Në një intervistë së fundmi gjermani shprehet se është mërzitur shumë kur Lopetegui la Real Madrid sepse ai është njeri dhe trajner me shumë vlera.
“Shkarkimi i Lopeteguit ishte një nga momentet që më lëndoi më shumë sepse ai është trajner dhe njeri i madh. Julen thjesht kishte një moment vërtet të keq kur u bë trajner këtu. Isha jashtëzakonisht i lumtur për të kur Sevilla e tij fitoi Europa League”, u shpreh Kroos. /abcnews.al
