Toni Kroos

Kroos-e1582749276115.jpg
Klejdi Kaimi14:57 | 17/03/2020

Coronavirusi ka mbëthyer tashmë mbarë globin dhe Spanja është një nga shtetet që ka marë masat më të ashpra për të parandaluar përhapjen e virusit. Edhe futbolli tashmë është pezulluar, ku disa ekipe janë dhe në karantinë. Real Madrid ka disa ditë që ka njoftuar se stafi dhe lojtarët janë vetëizoluar në shtëpitë e tyre.

Mesfushori madrilen, Toni Kroos, në një intervistë për programin gjerman “Late Night Berlin”, ku ka traguar se si aid he familja e tij po i kalojnë këto momente të vështira.

“Fatmirësisht të gjithë jemi mirë. Asnjë nga familjarët e mi nuk ka shqetësime apo shenja të virusit. Nuk jam aspak i mërzitur, sepse të qëndrosh në shtëpi me familjarët e tu është shumë bukur. Janë tre fëmijët e mi që po ma bëjnë më të bukur këtë izolim”, tregon mesfushori.

“Luajmë lojëra të ndryshme, madje kam provuar dhe disa modele të ndryshme flokësh, por jo për mua, për gruan time. Dhe diçka tjetër, nuk jam aspak i shqetësuar sepse kam shumë pako me letra tualeti”.

“Euro 2020? Parësore tani është që të kalojmë këtë situatë dhe jetët tona të kthehen në normalitet. Jam i sigurtë që UEFA do të marë vendimin e duhur”, mbyll Kroos. /abcnews.al

Kroos-e1582749276115.jpg
Igli Nikolli21:15 | 26/02/2020

Toni Kroos po zhvillon sezonin e gjashtë me Real Madrid, por mesfushori gjerman mund të ishte pjesë e Manchester United. Anglezët e kërkuan në verën e vitit 2014, por një ndryshim ndodhi te “Djajtë e Kuq” dhe më pas erdhi telefonata e Carlo Ancelottit, atë periudhë trajner i “Los Blancos”.

David Moyes, i cili ishte trajneri i United atë kohë, erdhi për të më takuar dhe e kishte kontratën gati për mua. Klubi e shkarkoi më pas dhe zgjodhi Van Gaal si trajner. Kjo e komplikoi blerjen time, sepse holandezi kishte ndërmend një tjetër projekt.

United u zhduk për disa kohë, nuk pata kontakt me ta dhe fillova të dyshoj për transferimin tim në Angli. Më pas Botërori dhe Carlo Ancelotti më kërkoi. Zgjodha të shkoja te Real Madrid“, deklaron për Marca mesfushori gjerman i “Los Blancos”. /abcnews.al

Kroos-e1582749276115.jpg
Klejdi Kaimi20:30 | 25/02/2020

Mesfushori i Real Madrid, Toni Kroos, rikujton kohën e tij në Bundesligë. Gjermani e pranon se ishte shumë pranë rinovimit me Bayernin dhe shkaku kryesor do të ishte Pep Guardiola. Spanjolli që në atë kohë ishte në krye të rekordmenëve gjermanë, e kërkonte me çdo kusht Tonin në ekip. Dyshja do të ri takohet ditën e nesërme, ku madrilenët do të presin Manchester Cityn në “Bernabeu”

“Më pëlqente të luaja për të. Isha shumë pranë firmës me Bayernin, por më pas mendova se nuk do të ishte zgjedhja e duhur. Të rinovoja kontratën vetëm për shkak të trajnerit, i cili do të largohej para se ajo të përfundonte. Nuk kishte kuptim”, rikujton Kroos.

“Perceptimi im për futbollin ndryshoji nën drejtimin e tij. Roli i mesfushorit i nuk ishte si më parë. Nuk do ta harroj kurrë Guardiolën sepse kam mësuar shumë nga ai. Largimi nga Reali? Jo nuk e mendoj, pasi unë dua që ta mbyll karrierën këtu. Jam ende nën kontratë dhe gjërat po shkojnë mirë, besoj se shumë shpejt do të vijë dhe rinovimi”, deklaron gjermani për “The Athletic”. /abcnews.al

 

Kroos dhe Guardiola duke festuar te Bayerni

 

kro3.jpg
Klejdi Kaimi15:39 | 06/02/2020

Mesfushori i Real Madrid, Toni Kroos, e ka pranuar se ai nuk do të luajë dhe për shumë vite. Gjermani mbushi 30-vjeç në janar dhe në karrierën e tij ka fituar çdo titull të mundshëm, përfshirë këtu dhe Kupën e Botës me kombëtaren gjermane në vitin 2014.

“Unë jam 30-vjeç dhe kjo është një moshë e mirë për të menduar se çfarë unë kërkoj në të ardhmen. Karriera ime nuk do të zgjasë shumë. Jam i sigurt që nuk do të luaj mbasi të mbush 38 vjeç.

Emocioni që të jep fitimi i titujve është i papërshkrueshëm, kjo është dhe arsyeja se pse unë luaj akoma. Të fitoje Championsin tre herë radhazi ishte çmenduri,” deklaron mesfushori gjerman.

“Këtu jam shumë i lumtur. Kam mbi pesë vite në Madrid dhe familja është ambientuar këtu. Fëmijët e mi shkojnë në shkollë këtu dhe gjithashtu ato janë të lumtur. Besoj se edhe kur të vijë momenti për të varur këpucët në gozhdë, unë dhe familja ime do të vazhdojmë të qëndrojmë këtu”, zbulon Toni Kross për “Sportschau Club”. /abcnews.al

Kross.jpg
Igli Nikolli21:25 | 13/01/2020

Real Madrid mposhti rivalët e Atleticos nga pika e bardhë e penalltive dhe fitoi Superkupën e Spanjës. Djemtë e Zidane u treguan më të saktë në goditje dhe njëri prej tyre ishte edhe Toni Kroos. Mesfushori analizon ndeshjen ndaj ekipit të Simeones dhe tregohet i sinqertë në lidhje me ndërhyrjen e Valverdes.

Morata po marshonte drejt portës, por 21-vjeçari e ndaloi me një ndërhyrje të qëllimshme që solli edhe kartonin e kuq. Në fund një koment për brazilianin Rodrygo dhe këshillën që i ka dhënë.

Është gjithmonë bukur të luash ndaj Atletico Madrid në finale. Luajtën më mirë se ndaj Barcelonës dhe në pjesën e parë na vunë në vështirësi, por më pas u rritëm. Mbetet gjithmonë e vështirë të luash kundër tyre. E fituam këtë trofe, por nuk kemi arritur ende asgjë këtë sezon.

Do ta kemi të vështirë me Manchester City në Champions League. Valverde? Morata kishte një shans të pastër shënimi dhe Valverde na ndihmoi. Nuk ishte një ndërhyrje korrekte, por në atë moment na ndihmoi shumë. Rodrygo? Kur je 18 vjeç është normale të ndjesh pak frikë, por ai ka një gjuajtje të mirë dhe e kam këshilluar të guxojë” , përfundon Toni Kroos. /abcnews.al

Casemiro.jpg
Igli Nikolli12:50 | 15/12/2019

Casemiro është njeriu që vrapon për të gjithë shokët te Real Madrid. Mesfushori lufton, përplaset, rikuperon dhe bën presing, ndërsa emrat e tjerë si Modriç dhe Kroos merren me ndërtimin e ofensivës së “Los Blancos”.

Braziliani ka zbuluar një detaj në lidhje me një nga shokët e skuadrës dhe të repartit. Me Toni Kroos luan prej vitesh dhe e cilëson si njeriun kyç të Real Madrid dhe ecuria e ndeshjes varet gjithmonë nga direktivat e gjermanit.

Modriç, Kroos dhe Casemiro

Ndeshjet e Real Madrid mbajnë gjithmonë ritmin e Toni Kroos. Nëse ai dëshiron që skuadra të ngadalësohet, ne e ulim ritmin. Nëse ai dëshiron që ne të shpejtojmë dhe nxitojmë, ashtu veprojmë. Toni vendos gjithçka në ekipin tonë“, thekson Casemiro. /abcnews.al

United-Real-1280x734.png
Igli Nikolli15:31 | 17/10/2019

Një skenar interesant merkatoje vjen nga Gjermania. Manchester United dhe Real Madrid mund të shkëmbejnë dy lojtarë mes tyre. Aktorët janë Paul Pogba dhe Toni Kroos.

Gjermani është i preferuari i United për mesfushën. Bild raporton se “Djajtë e Kuq” ofrojnë 67 milionë euro për kartonin e mesfushorit. Reali mund të pranojë, por me kushtin që të ketë mundësinë e blerjes së francezit.

Pogba dhe Kroos

Operacioni i dyfishtë mbetet i komplikuar, por United e ka hedhur hapin e parë. Oferta për 29-vjeçarin gjerman është gati, teksa shumë shpejt mund të rinisin negociatat në lidhje me transferimin e Pogba në kryeqytetin spanjoll. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono