Zaniolos nuk i ndahen telashet, ylli i Romës pozitiv me Covid-19

Rast me Covid-19 te Roma dhe ai është Nicolo Zaniolo. Mesfushori i talentuar italian ka kryer tamponin dhe përgjigja ka rezultuar pozitive.

Një gjë e tillë e ka detyruar 21-vjeçarin italian të izolohet dhe të nisë menjëherë karantinën. Zaniolo nuk ka luajtur asnjë minutë këtë sezon.

 

View this post on Instagram

 

A post shared by Sky Sport (Italia) (@skysport)

Mesfushori ofensiv pësoi një dëmtim të rëndë në gju në shtator dhe vazhdon të rikuperohet. Ditët e fundit kishte nisur stërvitjen individuale.

Infektimi me koronavirus e ka detyruar të ndalet sërish, teksa duhet të qëndrojë në shtëpi deri në momentin që tamponi do dalë negativ. /abcnews.al