Julian Ahmataj pa skuadrën e tij të mposhtej në shtëpi nga Partizani dhe me siguri golat e pësuar e shqetësojnë atë. Një mbrojtje ndryshe, por korçarët sërish marrin gola të lehtë. Pas ndeshjes, në emisionin “Gol pas Goli” në Supersport tha: “Nuk kam çfarë analizoj.
Vetëm porosi kam dhënë, nuk bën dot asnjë manovër. Veç të gjuash me top mbetej. Kush gabon më pak fiton. Te goli ka një lojtar që nuk është në pozicion, pastaj te i dyti një lojtar mban topin në shpinë. Bëhet fjalë për problem psikologjik, pasi pësojmë lehtë. Kemi punuar për këtë pjesë. Shpresojmë prej faktit se luajmë futboll, gjë që e treguam në pjesën e dytë”.
“Goditjet standarde? Është problem orientimi i lojtarëve të veçantë, por edhe mungesa e orientimit të liderit. Ata me eksperiencë nuk e kanë marrë dot rolin e liderit. Me afrimin e lojtarëve, si Shala, do e rregullojmë. Ai është lider në mbrojtje dhe shpresoj të kemi ekuilibër”. /abcnews.al
