Loading ...
Vijon fushata anti islamike në Indi e përpjekjen e partisë në pushtet që nga viti 2014, që të bëjë vendin gjithnjë e më shumë ekskluzivisht Hindu në krhasim me fetë e tjera. Qeveria e shtetit të Asam ka miratuar një ligj për të mbyllur brenda muajit prill 700 shkolla kuranike shtetërore.
Transformimi i medreseve në shkolla shtetërore laike në një shtet indian ku muslimanët përbëjnë 34% të popullsisë ka shkaktuar shumë polemika. Kjo pasi konsiderohet si një lëvizje e radhës anti muslimane.
Në vitin 2019, dy milion nga 33 milion banorë të Asam, mbetën pa nënshtetësi me justifikimin se do u verifikoheshin dokumentet anagrafike. Qëllimi ishte që të zbulohej se kush kishte emigruar nga vendi musliman i Bangladeshit.
Kjo për të krijuar panik në popullsinë muslimane vendore dhe në të gjithë Indinë, me protesta dhe manifestime që u përhapën në të gjithë vendin. Më pas u ngritën dhe kampe të mirëfillta përqendrimi ku u vendosën ata që nuk gjenin dot dokumentet e kërkuara.
Ministri i arsimit i Asam, u përpoq të shpjegonte vendimin duke thënë se vendi ka më shumë nevojë për mjekë, agjentë policie, zyrtarë dhe mësues që vijnë nga radhët e minoritetit musliman dhe jo për imamë.
Ai u shpreh se shkollat do të bëhen laike pasi nuk mund të paguhen shkollat fetare me paratë e taksapaguesve, dhe një gjë të tillë e kërkojnë vetë studentët. Por ky objektiv përgënjeshtrohet nga fakti se shkollat do të transformohen në institute për studimin e qytetërimit indian.
Pra në një kohë që ndalohet studimi i Kuranit në institutet publike, studimi i induizmit dhe teksteve të tij të shenjta, do të ketë më shumë prestigj duke u kthyer në një fakultet në nivel universitar./abcnews.al
