Gjergj Simaku do të pasojë Artan Shkrelin në postin e zv. ministrit të Infrastrukturës dhe Energjisë. Lajmin e ka zyrtarizuar ministrja e Infrastrukturës dhe Energjisë Belinda Balluku.
“Kemi riformatuar ekipin drejtues të Ministrisë së Infrastrukturës edhe Energjisë.Ilir Bejtja që ka mbuluar deri më sot fushën e Energjisë, ka qenë dhe mbetet një nga profesorët me të cilët unë kam marrë leksione sa i përket energjisë në detaje shumë të vogla.
Ne kemi edhe këto replikat tona të mëdha. I është bashkuar para disa kohës një bashkëpunëtor i imi i vjetër Etjen Xhafaj. I jap mirëseardhjen, në këtë post Gjergj Simakut. Kemi punuar shumë bashkë gjatë këtyre dy viteve “, tha Balluku.
Artan Shkreli do të jetë kreu i ri i Institutit të Ndërtimit duke zënë kështu vendin e Agron Hysenlliut, i cili ndërroi jetë nga COVID-19 në 15 nëntor të këtij viti./mv.abcnews.al
