Rikthehet Soirée, programi më i dashur i të gjithë shqiptarëve, por këtë herë në ABC, si një dhuratë për festat e fundvitit.
Të shumtë ishin ata të njohur e të panjohur, që e kanë kërkuar këtë program dhe dëshira e tyre më në fund po realizohet.
Fillimi i vitit 2021 sjellë një maratonë të vërtetë festive me Jonida Shehun. Në 1 dhe 2 janar, dy netë të mbushura me plot miq të ftuar, që festojnë ardhjen e 2021.
View this post on Instagram
Lajme ekskluzive, situata të pazakonta, rikthimi i personazheve që ju kanë munguar, por edhe ata më të përfolurit të momentit, shumë të njohur të të gjitha fushave, por nuk do të mungojë edhe muzika, nga e shpirtit që do të kënaqë të gjithë.
Jonida Shehu le “Radarin” për 1 dhe 2 janar të 2021, për të risjellë një program festiv për të gjithë familjet shqiptare.
Kështu që, ju ftojmë të merrni edhe ju një gotë verë dhe të bëni gëzuar me ne.
Kaluam një vit të vështirë, por ka ende gjëra të bukura për të festuar. /abcnews.al
