Pamje nga vendi i ngjarjes
Një aksident ka ndodhur mbrëmjen e sotme në Levan të Fierit. Burime bëjnë me dije për ABC se një automjet ka dalë nga rruga duke përfunduar në kanalin anësor, i cili është i mbushur me ujë.
Për pasojë kanë mbetur të lënduar burrë e grua, ndërsa nuk dihet ende gjendja e tyre shëndetësore. Ata janë dërguar në spital për të marrë ndihmën e parë mjekësore.
Policia ndodhet në vendngjarje dhe po punon për sqarimin e plotë të rrethanave të saj. ABC sjell pamje nga vendi ku ka ndodhur ngjarja dhe momenti kur të lënduar dërgohen me autoambulancë për në spital.
“Sot, rreth orës 17:35, në fshatin Qarr, Levan, automjeti tip “Volkswagen” me drejtues shtetasin B. Z., banues në Tiranë, ka dalë nga rruga dhe për pasojë janë dëmtuar dy pasagjerë, shtetasi Xh. T. dhe L. Z., të cilët ndodhen nën kujdesin e mjekëve në spitalin rajonal Fier.
Grupi hetimor ndodhet në vendngjarje dhe po punon për zbardhjen e shkakut të daljes së mjetit nga rruga”, njofton policia./mv.abcnews.al
