Shumë infektime me Covid-19 te Santos, klubi i njohur brazilian. Plot 32 raste janë regjistruar në ekipin e meshkujve dhe të femrave, nga të cilët 22 janë futbollistë.
Një gjendje shumë e keqe në klubin nga Sao Paulo, teksa Brazili është një nga shtetet më të goditura nga pandemia e koronavirusit, me mbi 5.7 milion njerëz të infektuar dhe mbi 163 mijë të vdekur.
Ndërkohë, një rast pozitiv është regjistruar edhe te Palmeiras. Ai është Luan Garcia Teixeira, qendërmbrojtësi i ekipit, i cili nuk ka simptoma dhe është izoluar menjëherë. /abcnews.al
