Richarlison është një nga pikat më të forta të Evertonit të Carlo Ancelottit. 23-vjeçari është grumbulluar me kombëtaren braziliane për sfidat eliminatore të Katar 2022 kundër Venezuelës (14 nëntor) dhe Uruguait (18 nëntor).
Sulmuesi latin ka rrëfyer për Globoesporte rëndësinë e madhe të trajnerit italian në rritjen e tij futbollistike, teksa zbulon edhe një bisedë të kryer me Carlo Ancelottin.
“Po mësoj nga trajneri dhe po rritem e përmirësohem shumë nga puna e bërë me të. Carlo më ka thënë që do të vijë dita që do të fitoj ‘Topin e Artë’ dhe disa tituj kampionë.
I besoj asaj që më ka thënë. Ai ka një eksperiencë të madhe dhe është detyra ime të përmirësohem sa më shumë, kjo falë punës së madhe në stërvitje“, deklaron Richarlison. /abcnews.al
