Nga Erblina Mile
Kriza e ardhur nga pandemia por edhe efektet e tërmetit të vitit të kaluar janë dy objektivat e Projektbuxheti për vitin e ardhshëm i cili është vlerësuar shumë optimist nga ekspertët . Ministrja e Financave Anila Denaj ka pranuar se financat e vendit gjatë këtij viti do të përballen me një sërë sfidash ndërsa tkurrja e ekonomisë parashikohet të jetë mbi 6%.Shqetësim mbetet edhe niveli i borxhit publik i cili pritet të tejkalojë nivelin prej 80% por pritet të nisë normalizimin gjatë viti të ardhshëm.
Të ardhurat janë parashikuar të jenë 478. 9 MLD lekë e siç ndodh zakonisht gjatë viteve zgjedhore shpenzimet për investime rezultojnë më të madha se niveli i të ardhurave. Lajme të mira nga ky draft ka vetëm për bluzat e bardha dhe arsimtarët të cilët o të përfitojnë rritje pagash.
Përtej efekteve negative të pandemisë në ekonomi Shqipëria përballet edhe me sfidën e strehimit të familjeve të prekura nga tërmeti.Sipas ministrit për Rindërtimin gjatë viti të ardhshëm do të strehohen mbi 36 mijë familje.
Për ish-deputeten Jorida Tabaku projektbuxheti për vitin e ardhshëm është tallje për shqiptarët dhe mbështet vetëm pagesat për oligarkët.
Vlerësimet e qeverisë për rritjen ekonomike mbeten shumë optimiste nëse e krahasojmë me vlerësimet e institucioneve ndërkombëtare financiare për këtë vit.Ndërkohë që një vendim për një mbyllje të dytë të ekonomisë për shkak të pandemisë do të përkeqësonte edhe më shumë situatën./mv.abcnews.al
