Një imazh i tmerrshëm, i cili dukej se kishte ardhur nga një episod i serialit “Rrethi i Kuq”, u pa nga policia që mbërriti të shtunën e kaluar në mëngjes në një apartament në, Keratsini, Greqi.
Në vendin e ngjarjes mbërriti menjëherë skuadra e urgjencës dhe një ekip i policisë, të cilët dhanë ndihmën e parë për viktimën, e cila, megjithëse nuk ishte në rrezik të menjëhershëm, kishte gjakderdhje.
Nga disa dokumente personale që kishin rënë nga autori i krimit, ata arritën të gjenin adresën e shtëpisë së tij dhe nxituan ta prangosnin. Duke arritur jashtë banesës së shqiptarit, policia gjeti makinën e parkuar me njolla gjaku, pasi ai kishte dëmtuar duart në përpjekjen e tij për të vrarë 45-vjeçaren.
Pas kësaj, policia shkoi tek banesa e shqiptarit dhe u përpoqën të kontaktonin me të përreth një orë, por pa rezultat.
Përfundimisht, falë ndërhyrjes së vëllait të autorit të krimit, i cili e kontaktoi, bëri që burri me thikë të hapte derën. Ajo që panë oficerët e policisë duke hyrë në banesë do të mbahet mend gjatë gjithë jetës së tyre, pasi e gjetën autorin e krimit në një pellg gjaku, me një plagë të hapur në bark dhe zorrë të dala. Pas tronditjes fillestare, ata e vunë në shtrat, i fashuan plagët për të ndaluar gjakderdhjen derisa arriti një ambulancë.
