Abcnews.al la zbardhur dëshminë e Skënder Hoxhës, të cilit mbrëmjen e djeshme iu vendos tritol në banesë. Ai është shprehur se nuk ka konflikt me njeri dhe se nuk është përfshirë në asnjë aktivitet të paligjshëm.
Po ashtu, Hoxha deklaroi se prej kohësh nuk ka kontakt me Nuredin Dumanin.
“Nuk kam asnjë konflikt me njeri. Kam pa punët e mia dhe s’jam përfshirë në asnjë gjë të paligjshme. Nuk kam asnjë lidhje me punët e Nuredin Dumanit. As kam fare komunikim me të prej kohësh. Nuk jam i asaj linje. Shpresoj që policia ta zbardhë si ngjarje dhe të identifikojë autoritetet që ta di edhe une psenë.. Shpërthimi ishte i fuqishëm po për fat të mire nuk ka shkaktuar fare dëme,” u shpreh Skënder Hoxha.
Kush është Nuredin Dumani?
Sipas policisë ai dyshohet se është i përfshirë në vrasjen e Bujar Çelës, vëllait të Talo Çelës. Policia dyshon se Dumani ishte i pari nga atentatorët që qëlloi ndaj Çelës me një pistoletë.
Dumani dyshohet gjithashtu se është i përfshirë edhe në dy ngjarje të rënda në Durrës. E para lidhet me ekzekutimin e Anxhelo Avdylit dhe Dorian Shkodës, ndërsa ngjarja tjetër, me vrasjen e dy vëllezërve Besmir dhe Viktor Haxhia po në qytetin e Durrësit. s.b/abcnews.al/
