Maqedonia e Veriut ndal futbollin për momentin. Liga e parë dhe e dytë janë shtyrë për fundjavën e ardhshme, për shkak se ndryshimeve të Protokollit të ri që përcakton masat mbrojtëse nga COVID-19.
Takimet e javës së 11-të (LIGA 1) dhe të javës së 10-të (LIGA 2) do të luhen respektivisht në datat 7 dhe 8 nëntori. Ky është vendimi i marrë nga sektori i garave në Federatën e Futbollit të Maqedonisë së Veriut.
E gjithë kjo situatë është krijuar nga rritja e numrit të të prekurve nga COVID-19 në vendin fqinj. Kujtojmë se në Maqedoninë e Veriut sezoni i shkuar nuk u mbyll dhe tani mbetet të shihet se çfarë do të ndodhë në vijim. /abcnews.al
