Dialogu Prishtinë-Beograd/ Presidentët Thaçi e Vuçiç takohen të dielën në Bruksel

Të dielën në Bruksel do të zhvillohet takimi mes presidentit të Kosovës Hashim Thaçi dhe homologut të tij serb, Aleksandër Vuçiç. Kjo është konfirmuar nga zyra e përfaqësueses së lartë të Bashkimit Europian për politikë të jashtëme, Federica Mogherini, me anë të një deklarate për shtyp. “Përfaqësuesja e Lartë dhe Presidentët do të vazhdojnë punën e tyre në fazën e plotë të normalizimit të Dialogut, të marrin në konsideratë marrëveshjet ekzistuese, të informojnë për arritjet e deritanishme dhe do të diskutojnë hapat e ardhshëm duke pasur parasysh një periudhë intensive përpara”, shkruhet në njoftim. Ndërkohë, takimi do të ndërmjetësohet nga Mogerini. /abcnews.al