Brad Pitt është zyrtarisht beqar përsëri, raporton Page Six. Një burim u shpreh se aktori dhe e dashura e tij gjermane 27-vjeçare Nicole Poturalski i kanë dhënë fund lidhjes së tyre pak kohë më parë. Burimi thotë se Pitt dhe Poturalski, të cilët u fotografuan për herë të parë së bashku në gusht janë ndarë përfundimisht dhe se asnjëherë gjërat mes tyre nuk kanë qenë serioze.
Mediat e huaja raportuan se krahas lidhjes me aktorin, modelja ishte në një “martesë të hapur” 68-vjeçarin Roland Mary. Një burim tha për revistën People tha se ata shoqëroheshin me njëri-tjetrin prej të paktën një viti. Burimi shtoi se Poturalski dhe Pitt zhvilluan disa takime të fshehta në Los Anxhelos dhe Francë, përfshirë dhe një koncert të Kanye West në nëntor 2019.
Kujtojmë që modelja u vu në qendër të kritikave, pas një komenti që bëri bujë në rrjete sociale, që thuhet se i drejtohej Angelina Jolie. “Njerëzit e lumtur nuk urrejnë” ishte komenti që me të cilin Nicole Poturalski shënjestroi ish-gruan e Pitt, për të cilën u raportua së fundmi se nuk e ka pritur mirë lidhjen e re të tij. /abcnews.al
