Sipas virologut Francesco Broccolo, ngarkesa virale po rritet në nivele shumë të larta.
Ngarkesa virale është numri i kopjeve të materialit gjenetik të koronavirusit që është i pranishëm në një mililitër të materialit biologjik të marrë me një shtupë, raporton corriere.it
Rëndësia që ka ngarkesa virale për infeksionet
Sa më e lartë të jetë ngarkesa virale e matur në një shtupë, aq më shumë mund të përhapet virusi në mënyrë “efikase”.
Dhe kjo është diçka që vlen për të gjitha viruset, sa më shumë që të prodhojë materiale gjenetike një virus aq më infektues është”, ka deklaruar Paolo Bonanni , epidemiolog dhe profesor i higjienës në Universitetin e Firences.
A është ngarkesa e lartë virale shkak për t’u rrezikuar nga sëmundje më serioze?
Jo domosdoshmërish. Ka njerëz me një ngarkesë të lartë virale që kanë tolerancë të madhe ndaj virusit ”, shpjegon Bonanni.
Në fakt, shumica janë fëmijë ose njerëz që kanë një ngarkesë të lartë virale, por janë asimptomatike. Por me shumë mundësi, një pacient i cili ka ngarkesë të lartë virale mund të ketë komplikime më serioze », shton Clerici.
Pse nuk kishim shumë raste pozitive në verë?
Pse pamë një prevalencë të ulët të tamponëve pozitivë në verë dhe tani tamponët kanë një prevalencë të lartë të ngarkesës virale?
“Vështirë të thuash – ka theksuar Bonanni, sigurisht që virusi qarkullon më shumë dhe logjikisht lind pyetja se ku ka ngarkesë më të lartë virale”.
Nga Prilli deri më sot, ngarkesa virale është pothuajse e njëjtë , bëhet fjalë për shifra të infektuarish dhe përhapjen e koronavirusit.
Sidoqoftë, nuk kemi një konfirmim të ngarkesës mesatare virale, sepse nuk ka analiza specifike për të zbuluar diçka të tillë. Shumë njerëz ndoshta nuk kanë më virus në trupin e tyre, por vetëm gjurmë të RNA-së.
Një element kyç
Ka një mënyrë për të matur ngarkesën virale, pra sasinë e virusit që një person i infektuar ka në trup. Dhe kjo kuptohet nga analiza e tamponëve në laborator. Bëhet fjalë për CT – ciklin prag: tamponi mat pozitivitetin e një personi me një proces të njohur si “reagim zinxhir i polimerazës, që bazohet në më shumë cikle amplifikimi që janë të nevojshëm për të prodhuar një sasi të zbulueshme të ngarkesës virale.
Vlera CT është numri i cikleve që kërkohen për të zbuluar virusin: nëse një sinjal pozitiv nuk shfaqet pas 37-40 cikleve, testi është negativ.
Nuk është 100% i saktë
Duhet të kemi parasysh se e njëjta mostër mund të japë vlera të ndryshme CT në makineri të ndryshme laboratorike, dhe shtupat e njëpasnjëshme nga i njëjti person mund të japin rezultate të ndryshme. Vlera CT nuk është një shkallë absolute, kanë argumentuar disa shkencëtarë.
Studime që lidhen me CT
Studimet mbi këtë temë kanë treguar se, në ditët e para të infeksionit, pacientët kanë vlera CT nën 30 dhe shpesh nën 20, pra me një nivel të lartë të virusit (dhe infektimit); ndërsa trupi eleminon koronavirusin, vlerat e CT gradualisht rriten (ngarkesa virale zvogëlohet).
Studime më të fundit kanë treguar se një ngarkesë më e lartë virale mund të ketë një ndikim të thellë në infektimin e një personi dhe gjithashtu të pasqyrojë ashpërsinë e Covid-19.
Në një studim të botuar së fundmi në Sëmundjet Klinike Infektive , studiuesi Bernard La Scola, një ekspert i sëmundjeve infektive në IHU-Méditerranée Infection, ekzaminoi 3,790 mostra pozitive me vlera të njohura të CT për të parë nëse ka sasi të virusit. Scola dhe kolegët e tij zbuluan se 70% e mostrave me vlera CT 25 ose më të ulëta mund të përsëriteshin, krahasuar me më pak se 3% të rasteve me vlera CT mbi 35, transmeton abcnews.al
Ju mund të ndihmoni në mbajtjen nën kontroll të epidemisë
Njohja e ngarkesës virale të një personi mund të bëjë të mundur izolimin e njerëzve më të rrezikuar dhe personat që janë rikuperuar mund të lëvizin lirshëm pasi nuk infektojnë të tjerët.
Të dish vlerat e CT mund të ndihmojë gjithashtu epidemiologët që të gjurmojnë shpërthimet. Në fund të fundit, vlerat e CT mund të ndihmojnë mjekët të raportojnë pacientët më të rrezikuar nga komplikime serioze.
Një studim i qershorit nga studiuesit e Weill Cornell Medicine zbuloi se midis 678 pacientëve të shtruar në spital, 35% e atyre me një vlerë CT prej 25 ose më pak vdiqën, krahasuar me 17,6% me një vlerë CT prej 25 deri në 30 dhe 6,2% me një vlerë CT më të madhe se 30.
Në gusht, studiuesit brazilianë zbuluan se midis 875 pacientëve, me një vlerë CT prej 25 ose më pak kishin më shumë gjasa të kishin sëmundje serioze ose të vdisnin. s.ba/abcnews.al
