Komisioni i Vlerësimit të Kandidatëve për deputetë për zgjedhjet e 25 prillit të vitit të ardhshëm ka mbyllur procesin e verifikimit duke i çuar Kryesisë së PD-së listën me 326 emra që ka përzgjedhur.
Gazetari i Abc News Juxhin Mustafaraj mëson se sot u mbyll procesi final i përzgjedhjes.
Anetarësia e Partisë Demokratike votëbesoi për të qenë pjesë e listave 498 emra kandidatësh, ndërkohë që nga faza e tretë dhe e fundit, komisioni vlerësoi vetëm 326.
Faza e parë ishte propozimi nga baza në degët e PD-së, më pas lista u kthye sërish te anëtarësia pas seleksionimeve për të skualifikuar të padëshiruarit dhe faza e tretë ishte filtri i fundit nga komisioni.
Kjo ishte faza e fundit e komisonit, tani është kryesia dhe këshilli kombëtar i PD-së që pritet që të vendosin për emrat që do të jenë në lista./ db/Abcnews.al
