Imunologu amerikan Anthony Fauci është shprehur së fundmi se nuk jemi larg gjetjes së një vaksine efektive për koronavirusin. Sipas tij kjo mund të ndodhë mes fundit të nëntorit dhe dhjetorit.
Por, shtoi ai, vaksina nuk do të shpërndahet para vitit 2021.
“Ne do të jemi në gjendje të themi të sigurt, shpresoj, para Krishtlindjeve të ardhshme: ato të vitit 2021,” u shpreh Fauci.
“Shkencëtarët po bëjnë një punë të jashtëzakonshme. Studimet e tyre mbi Covid-19 tashmë na kanë befasuar dhe ende na befasojnë. Por kërkon kohë për t’u kthyer në normalitet,” shtoi ai më tej.
Kujtojmë që ditë më parë presidenti i amerikan, Donald Trump, përdori tone të ashpra ndaj Kreut të Institutit Kombëtar të Alergjive dhe Sëmundjeve Infektive.
Trump u shpreh i zhgënjyer prej tij, duke theksuar se njerëzit janë lodhur duke dëgjuar për pandeminë vdekjeprurëse, që ka vrarë më shumë se 215 000 amerikanë. s.b/abcnews.al/
