Gjykata e Lushnjes ka caktuar masën e sigurisë “arrest me burg” për 67-vjeçarin e arrestuar dy ditë më parë pasi akuzohet se ka përdhunuar mbesën e tij 13 vjeçe.
Denoncimi u bë nga e ëma e vajzës. Ndërkohë, i moshuari Refat Çela ka dalë sot para gjykatës për masën, ku nuk ka pranuar akuzat ndaj tij për përdhunimin e mbesës, vajzën e djalit të tij.
Burime zyrtare nga policia bëne me dije për abcnews.al se 67-vjeçari dyshohet se ka kryer marrëdhënie seksuale me dhunë me të miturën 13 vjeçe në banesën e tij në fshatin Barbullinjë të Lushnjes.
I moshuari është baba i katër djemve dhe jeton vetëm me gruan e tij, ndërsa në zonë përflitet se ka kryer shpesh veprime të turpshme në publik.
