Thibaut Courtois, portieri i Real Madrid, në një intervistë që ka dhënë për Cadena Ser është ngacmuar për të bërë një krahasim mes Cristiano Ronaldos dhe Lionel Messit. Portieri belg është shprehur se kjo është e pamundur dhe e ka arsyetuar diçka të tillë.
“Për mua është e pamundur t’i krahasosh, të dy vijnë nga një botë tjetër. Cristiano është më atletik, ëshët i fortë, i shpejtë dhe ka një dhunti për shënimin e golave. Messi ka më shumë talent dhe bën driblime që nuk i prisni, duke i lënë katër lojtarë prapa në dy metra.
Nuk është e mundur t’i krahasosh, duhet t’i vlerësojmë. Unë jam krenar që kam fituar ndeshje kundër tyre dhe kam shpëtuar portën prej goditjeve që kanë bërë”, është shprehur Courtois, i cili i gëzohet qëndrimit të Messit në La Liga. /abcnews.al
