Akademikut amerikan Robert Wilson iu desh të ecte matanë rrugës në orën 2 të mëngjesit për t’i dhënë një lajm të mirë kolegut të tij nga Universiteti i Stanfordit.
Wilson shkoi në shtëpinë e Paul Milgrom për t’i dhënë personalisht lajmin se të dy ata kishin fituar çmimin Nobel për vitin 2020 për Ekonominë. Milgrom e kishte telefonin në modalitetin e heshtur, duke bërë që fqinji i tij të dilte jashtë dhe t’ia jepte lajmin personalisht, shkruan abcnews.al
The #NobelPrize committee couldn’t reach Paul Milgrom to share the news that he won, so his fellow winner and neighbor Robert Wilson knocked on his door in the middle of the night. pic.twitter.com/MvhxZcgutZ
— Stanford University (@Stanford) October 12, 2020
“Isha në gjumë dhe zilja e derës ra në 2 të mëngjesit. Dhe pastaj mora telefonin – është një zile dere me video. Dhe pashë fytyrën e Bob-it dhe ai po trokiste në derë, duke më thënë se ata po përpiqeshin të më telefononin dhe se kishim fituar një çmim Nobel, i cili është një lajm shumë i mirë,” tha Milgrom për Reuters.
Videon nga kemera e ziles së derës e mori bashkëshortja e Paul-it, e cila ndodhej në Stokholm. Ajo pa “live” sesi bashkëshorti i saj mori lajmin që ishte fitues i Nobelit për Ekonominë.
Dyshja fitoi çmimin për punën në ankande që u sjellin benefite si blerësve ashtu edhe shitësve në të gjithë botën. s.b/abcnews.al/
