nobel

kraja-1280x747.jpg
in a17:49 | 02/02/2020

Kryetari i Akademisë së Shkencave të Kosovës, Mehmet Kraja në një intervistë për Abc News  shprehet se riaktivizimi i Këshillit Ndërakademik për gjuhën shqipe është domosdoshmëri, ndërsa iniciativa e Akademisë së Shkencave të Shqipërisë për mbrojtjen e gjuhës me ligj, duket e paqartë dhe absurde.

Mehmet Kraja kryetari i Akademisë së Shkencave dhe Arteve të Kosovës thotë se vendimet për gjuhën shqipe janë të domosdoshme që të  jenë të unifikuara. Ndaj me propozim të tij u nënshkrua në Akadminë e Shkencave të Shqipërisë marrëveshja për riaktivizimin e Këshillit  Ndërakademik i cili prej 4 vitesh është jashtë funkionit.

“Është një nga pikat themelore të programit të bashkëpunimit midis dy akademive. Do të jetë një riformatizim i tij, do të plotësohen vendet e zbrazëta”, u shpreh Kraja.

Kraja thotë se botimi i vendimeve të këtij këshilli, i cili ka punuar për 15 vite do të  nisë së shpejti me bashkëpunim të dy akademive dhe brenda 3 muajve sipas tij do të krijohet grupi i punës me 15 gjuhëtarë.

“Jemi marrë vesh që të botojmë ato vendime të cilat nuk janë botuar”, theksoi ai.

Iniciativa e Akademisë së Shkencave të Shqipërisë për mbrojtjen e gjuhës me ligj i duket e paqartë, ndërsa Kosova nuk përfshihet në nisma të tilla pasi ka një pengesë kushtetuese thekson Kraja.

“Duhet të kemi parasysh që Kosova me Shqipërinë nuk janë kapatibile në këtë drejtim. Kemi në fuqi një kushtetutë që merr parsysh pakon e Ahtisarit e cila na ka kushtëzuar. Kjo duhet të tejkalohet me Kushtetutën e Kosovës”, deklaroi më tej.

Gjuha shqipe, sipas akademikut e ka tejkaluar, problemin drejtshkrimor, në Kongresin e vitin 1972, por problematikat në Shqipëri dhe Kosovë për gjuhën janë të ndryshme.

“Është tejkaluar faza e vendimeve për drejtshkrimin. Problemi kryesor  në Kosovë është se kemi një emancipim gjuhësor dhe duhet të jemi më aktiv në ngritjen e kulturës së gjuhës”, u shpreh ai.

Kryetari i Akademisë së Shkencave të Kosovës, thekson se gjuha shqipe në Kosovë edhe pse është gjuhë e parë vazhdon të jetë e diskriminuar.

“Kosova ka jetuar në një periudhë shumë të gjatë në ambient dygjuhësor, sot është ndryshe. Shqipja është e para, por ende është e diskriminuar, kjo do të tejkalohet sepse ka shenja pozitive”, tha më tej Kraja.

Bashkëpunimi mes dy vendeve nuk duhet të mbetet vetëm në botime të përbashkëta, por duhet të jetë edhe në kërkim shkencore.

Çmimi nobël  i cilësuar si më i rëndësishmi në  letërsi sipas shkrimtarit dhe kryetarit te Akademisë së shkencve të Kosovës, Mehmet Kraja   viti e shkuar me nderimin e Peter Handkes, e ka cënuar reputacionin e tij.

Kemi reaguar në kohë menjëherë kur është bërë publike emri it ij. Kthimi i përgjigjes zgjati një muaj. Ajo që ishte pozitive ishte se akademia jonë e ngriti çështjen në një nivel të opinionit ndërkombëtar. Qëndrim i cili u mbështet, Akademia suedeze bëri një shkelje të rëndë dhe të panevojshnme”, sqaroi Kraja.

Përveç gjuhës së urrejtjes së ithtarit të Millosheviçit  Peter Handkes për Mehmet Krajen është i zakonshem si shkrimtarë, ndaj ky çmim jepet për vlera të jashtëzakonshme.

“Shkrimarët kur marrin nobel duhet të jenë të jashtëzakonshëm, ai ishte thjesht një shkrimtar i mirë dhe e ka dëmtuar shumë reputacionin e çmimit nobel”.

Rikandidimi i Ismail Kadares nga Akademia e Shkencave të Shqipërisë është e drejtë, pasi ai çmon shumë letërsinë e tij, por nobeli është i pa paparshikueshëm.

“Kadarenë e çmoj shumë. Është vështirë të kuptohet se çfarë vendimesh do të marrë komiteti i nobelit, janë të paparashikueshëm”” u shpreh Kraja./abcnews.al

nobel.jpg
nev ila15:54 | 28/01/2020

Kryesia e Akademisë së Shkencave të Shqipërisë ka zgjedhur një ditë simbolike, ditëlindjen e 84 të shkrimtarit të njohur Ismail Kadare  për ta ripropozuar para Akademisë Mbretërore të Shkencave të Suedisë si kandidat për çmimin Nobel në letërsi.

Studiuesi  Shaban Sinani  thotë se argumentet janë të bollshëm, jo vetëm duke renditur vlerësimet dhe nderimet përparues të tij në shkallë ndërkombëtare, por edhe rolin e pazëvendësueshëm në letrat shqipe.

Madje Sinani thotë se Akademia suedeze duhet të tërhiqet edhe nga vendimet e mëparshme. Studiuesi është i bindur se vepra “ Gjenerali i Ushtrisë së vdekur “e meriton këtë çmim”, roman i cilësuar në 50- shen më të mirë botërore.

Për Alda  Bardhylin, Drejtore e Qendrës Kombëtare të Librit pranë Ministrisë së Kulturës, ditëlindjet e shkrimtarëve të mëdhenj si Kadare, janë ngjarje kulturore.

Bardhyli  së shpejti pritet të botoi dy vepra në bashkëpunim me Kadarenë. Letërsia e Ismail Kadaresë lexohet tashmë në më shumë se 50 gjuhë të botës.

Anëtar i Akademisë së Shkencave Politike dhe Morale të Francës që nga viti 1995; Doctor Honoris Causa, në disa universitete me prestigj të lartë në botë, Ismail Kadare është personaliteti shqiptar më i certifikuar me tituj shkencorë, intelektualë e moralë në Europë e në shkallë globale.

Në vitin 2005 Kadare fitoi çmimin ndërkombëtar “The Man Booker” International Prize (Njeriu ndërkombëtar i vitit), i njohur si çmimi i nobelistëve, për të cilin konkurruan autorë nga të gjitha kontinentet dhe me njohje botërore. Ky është çmimi më i lartë që ka marrë letërsia shqipe qysh prej fillimeve të saj deri më sot.

Meritat letrare të Kadaresë janë të shpallura edhe në kryeqendra të tjera të letërsisë dhe kulturës botërore. Në vitin 1992 ai fitoi çmimin Prix Mondial Cino Del Duca (Mondial Sino Del Duka)(Francë). Në vitin 2009 iu dha çmimi i “Asturias”, që shënjon mirënjohjen më të lartë për gjithë letërsinë hispanike.

Në vitin 2015 shteti i Izraelit i dha çmimin “Jerusalem”, që jepet për personalitete të letërsisë me ndihmesa të jashtëzakonshme në dobi të lirisë së mendimit.

Për kontributet e tij dhënëse e pasuruese në qytetërimin europian, Ismail Kadare është nderuar me urdhrin më të lartë të Francës: Kalorës, Oficer dhe Komandant i Legjionit të Nderit.

Vlerësimet ndërkombëtare për veprën e Kadaresë jo vetëm nuk janë ndalur, por kanë kulmuar vitin e fundit.

Gjatë vitit 2019 Ismail Kadare u shpall fitues i tri prej çmimeve më të rëndësishme letrare dhe intelektuale në shkallë botërore: në Shtetet e Bashkuara të Amerikës ai mori trofeun Neustadt (Njustad), që konsiderohet Nobeli i Amerikës.

Me çmimin Pak Kyongni (Pak Knjonjí), që iu dorëzua në Korenë e Jugut, Kadare mori një prej vlerësimeve më të larta në një anë tjetër të globit, në Azi, duke e shtrirë në mënyrë sovrane përmasën e veprës së vet në shkallë botërore.

Mirënjohja e tretë e vitit 2019 iu kushtua sërish nga vendi që e promovoi për herë të parë si shkrimtar europian, nga Franca./abcnews.al

ash.jpg
ger ta10:21 | 28/01/2020

Akademia e Shkencave propozon Ismail Kadarenë për çmimin “Nobel 2020” në Letërsi. Propozimi bëhet në ditëlindjen e shkrimtarit.

Kërkesa e ASH i është drejtuar Akademisë së Shkencave Suedeze. Figura e rëndësishme e letrave shqipe feston sot 84-vjetorin e lindjes. Ndërsa ky ripropozim për të nga ASH vjen sot në formën e një dhurate.

Abcnews.al mëson se në tryezën e ASH, “Kadare dhe Letrat shqipe” nuk ishte i pranishëm Kadare, pasi ndodhet në Paris.

Kujtojmë se Kadare prej vitesh ka qenë kandidat për Nobelin në Letërsi, por nuk ka mundur ta fitojë. Ndërkohë, shkrimtari është vlerësuar me disa çmime të rëndësishme ndërkombëtare.

Kadare u nderua dhe me dekoratën më të lartë franceze ‘Komandant i Legjionit të Nderit’./abcnews.al

hanke.jpg
nev ila23:03 | 16/12/2019

Fituesi kontravers i Nobelit Piter Handke, pavarësisht nga retorika mbështetëse nacionaliste në Serbi, nuk është lexuar shumë as nga vetë serbët. 

Ndërsa një shkrimtar boshnjak, që jeton në Beograd, thotë se shpalljet non-grata të tij janë të vonuara pasi Handke nuk ka shkruar tani.

Emri më kontrovers i letërsisë së këtij vitit, pavarësisht se është festuar në Serbi, deri më tani nuk ka patur një botues të rëndësishëm. Çmimi nobel tani ia mundësoj atë. Handke, tha se as serbët nuk e kanë lexuar shumë.

Shkrimtari austriak u shpall non-grata në Sarajevë dhe Kosovë, ndërsa një shoqatë e shkrimtarëve serb të Bosnjës e shpalli anëtar nderi.

Emri i tij padyshim ka nxitur sërish historinë e freskët dhe ndarjet që duket se do të jenë historike. Mendimet e ndara janë dukur thellë edhe në Serbi, pavarësisht se u urua edhe nga presidenti.

Muharrem Bazdulj, është një mysliman nga Bosnja.

Si shkrimtar është zhvendosur të jetoj në Beograd për të krijuar një sfidë. Pavarësisht se në vendlindje Hanke nuk përmendet me qejf, Bazdulj ishte gëzuar që shkrimtari që ai pëlqen ka fituar cmimin. Beson se Handke meriton nobelin për letërsi.

“Ky është çmim për letërsi dhe jo për paqe. Për veprat e Handkes në politikë mund të gjenden shumë vërejtje sigurisht, por mendoj se vepra e tij letrare nuk është e diskutueshme. Shumë e shohin si një ideolog që Handke në thelb nuk ka qenë, por ka shkruar udhërrëfime në të cilat ka marrë anë dhe është e kuptueshme përse kjo është për disa e pakëndshme, por kjo nuk ka lidhje me letërsi”, tha shkrimtari Muharrem Bazdulj.

Përfshirja e Handkes në politikën e ish-Jugosllavisë e rreshtoi atë si mbështetës të Sllobodan Milloshevicit dhe krimit. Këtu, Handke në një intervistë të hershme, flet sipërfaqësisht për Kosovën. Pak për verën dhe energjinë e njerëzve.

“Kosova më kujton dy gjëra -dashuri dhe një dhimbje. Është një dashuri për natyrën e kësaj toke dhe një dhimbje për shkatërrimin e madh të saj”, tha nobelisti Peter Handke.

Deklartat politike dhe disa udhëpërshkrime, përvec pjesëmarrjes në varrimin e Milloshevic, ia kanë përzier Handkes mjeshtrinë e pendës me kredibilitetin e tij si intelektual.

Dushan Janjic, në vitet ’90 ka marrë pjesë aktive për një politikë tjetër serbe dhe jo atë të Milloshevic. I indinjuar, drejtuesi i Forumit për Marrëdhënie Ndëretnike, thotë se edhe Hitler ka qenë piktor, por si i tillë nuk mbahet mend.

Sinkron3: Dushan Janjic, Forumi për Marrëdhënie ndëretnike

“Ka një gjë që quhet personalitet dhe jo gjithmonë shkrimtarët e mëdhenjë janë njerëz të mëdhenj, por shpesh të lëndueshëm dhe të lig. Handke është një ndër ta. Ai paraqitet si njeri që do të përmirësoj padrejtësinë dhe se ne nuk e kemi kuptuar Milloshevicin dhe duhet të luftojmë deri sat ë ngelet serbi i fundit. Handke nuk është aq relevant, pork y incident ka treguar se ne nuk kemi mbaruar luftërat dhe se kujtimet tona janë më shumë se kujtime”, tha Dushan Janjic nga Forumi për marrëdhënie ndëretnike.

Por, shkrimtari boshnjak, që duket se nuk e ndanë mendimin e shumicës, thotë se janë të vonuara shpalljet non-grata pasi Handke nuk ka shkruar tani.

Reagimet i quan të tepruara, kurse thotë se do ta kuptonte sikur ndonjë suedez, academia, mbreti apo ambasadori të shpalleshin non-grata, por Handke nuk e ka shpallur vetën si nobelist.

“Për mua reagimi emotiv është më i qartë kur bëhet fjalë për Kosovën pasi në vitin 1999 kur ndodhin përndjekjet dhe krimet Handke ka qenë tashmë si simbol i afërsisë me regjimin serb, porn ë Bosnje ai shkruan në vitin 1996 kur lufta kishte përfunduar. Si mund të zgjedhësh anë në një luftë të kryer? Marrëdhënia e tij me shqiptarët është problematike pasi ai, përmes nënës së tij sllovene, është identifikuar më shumë më sllavenët dhe mbase shqiptarët nuk i ka përjetuar si dicka të afërt me të”, tha shkrimtari Muharrem Bazdujl.

Biografinë e Handkes duket se do ta ndjek pashmangshëm fati i nobelistit të etiketuar, botën një debat se deri ku janë kufijtë, Ballkanin një përballje e munguar me të shkuarën që duket se jeton./abcnews.al

 

shaban-sinani-leo.jpg
nev ila15:30 | 11/12/2019

Akademiku Shaban Sinani në një intervistë për ABC News  thotë se Shqipëria refuzoi pjesëmarrjen në ceremoninë e çmimit “Nobel”, pasi çmimit më të rëndësishëm të letërsisë i është cenuar morali, duke vlerësuar një ithtar të masakrave të Millosheviçit.

Akademia suedeze dhe juria e çmimit Nobel në këndvështrimin e sekretarit shkencor  të albanologjisë  ne akademinë e shkencave të Shqipërisë.

Shaban Sinani i është cënuar morali duke vlerësuar  shkrimtarin austriak Peter Handke.

Akademiku dhe studiuesi i njohur, ishte i bindur që në krye të herës, se juria  nuk do të tërhiqej nga përzgjedhja e saj edhe pse do ishte zgjidhje ideale, për t’i rikthyer vlerën morale çmimit më të rëndësishëm të letërsisë.

Sinani thotë se Peter Handke, ka hasur në kritika edhe nga  opinioni publik në Serbi dhe në disa vende europiane për gjuhen e urrejtjes.

Ajo çfarë është shqetësuese sipas Sinanit është  rikonfirmimi i qëndrimit të tij edhe me shkrim, për mos njohjen e krimeve të Millosheviçit.

Absurdi i çmimit “Nobel” sipas Shaban Sinanit është që në gjenezë.

Akademia e Shkencave të Shqipërisë që prej vitit 1991 , ka propozuar sistematikisht shkrimtarin e njohur botërisht Ismail Kadare, por për herë të parë  shkrimtari i shquar shqiptar për këtë çmim është propozuar nga Franca thekson Sinani.

Çmimi “Nobel” është çmimi më i rëndësishëm për letërsinë dhe ëndrra e shumë shkrimtarëve./abcnews.al

Peter-Handke.jpg
R D14:38 | 09/12/2019

Shqipëria do të bojkotojë ceremoninë e ndarjes së çmimeve Nobel në Suedi. Lajmi konfirmohet nga ministri i Jashtëm, Gent Cakaj, i cili shkruan se justifikimi i mizorive të luftës gjatë shpërbërjes së Jugosllavisë nuk duhet të shpërblehet.

“Ne kemi urdhëruar Ambasadorin e Shqipërisë në Suedi që të bojkotojë ceremoninë solemne të ndarjes së Çmimit Nobel për Letërsi për Peter Handken. Justifikimi i mizorive të luftës gjatë shpërbërjes së Jugosllavisë nuk duhet të shpërblehet. Çdo shpërblim i personaliteteve që kanë mohuar gjenocidin edhe nëpërmjet veprave të tyre letrare, vetëm forcon prirjet për t’iu shmangur përgjegjësive historike dhe relativizuar peshën e rëndë të krimeve të luftës, pastrimit etnik dhe gjenocidit.” shkruan Cakaj në Twitter.

Çmimi Nobel në Letërsi për Peter Handken, i njohur si adhurues i Millosheviçit, ngjalli reagime të forta dhe indinjatë në Kosovë e Shqipëri. /abcnws.al

sarajeve-protesta-1280x708.jpg
nev ila15:59 | 05/11/2019

Në Sarajevë nën organizim e “Shoqatës së viktimave dhe dëshmitarëve të genocidit në Bosnjë e Hercegovinë”, qytetarët kanë zhvilluar një protestë para Ambasadës së Suedisë kundër vendimit që vlerësoi me çmimin Nobel në letërsi shkrimtarin austriak Peter Handke.

Protestuesit mbanin fotografi në të cilat shihej se si Handke kishte qëndruar në qytetin e Srebrenicës në verën e vitit 1996, gati një vit pasi atje forcat ushtarako-policore dhe paraushtarake serbe kishin kryer një masakër duke lënë të vrarë disa mijra civilë boshnjakë.

Agjencitë e lajmeve raportojnë se protestuesit kanë ngritur zërin kundër dhënies së çmimit Nobel për Piter Handken duke thënë se kjo është njësoj sikur ai t’I ishte akorduar presidentit serb Slobodan Milosheviq të cilin shkrimtari austriak e pati mbështetur:

‘Çmimin kanë mundur t’ia japin edhe Karxhiqit dhe Mladiqit dhe të gjithë atyre të cilët bënë krime mbi myslimanët,’ – tha Munira Subashiq nga shoqata ‘Nënat e Srebrenicës’ e cila në ambasadën e Suedisë në Sarajevë dorëzoi një letër në për Mbretin dhe Mbretëreshën e këtij vendi kur tërhiqet vërejtja se çmimi i është dhënë dikujt që ka mbështetur krimin./abcnews.al

handke-2.jpg
ad min23:00 | 11/10/2019

Vlerësimi me çmimin Nobel për shkrimtarin austriak Peter Handke, ithtar i Sllobodan Millosheviç, është pritur me habi edhe në Beograd. Shkrimtarët serbë e cilësojnë atë një autor të dështuar, disa në aspektin letrar e të tjerë në atë politik, nisur nga simpatia e shprehur prej tij për epokën e “kasapit të Ballkanit”.

Ky është varrimi i Sllobodan Milloshevic. Me respekt ftohet shkrimtari austriak Peter Handke, që të mbaj fjalimin. Jo pak e ka vajtur fituesi i Çmimit Nobel për këtë vit në letërsi.

Peter Handke, shkrimtar austriak: Bota, e ashtuquajtura botë, di gjithçka mbi Jugosllavinë dhe Serbinë. Bota, e ashtuquajtura botë, di gjithçka për Sllobodan Millosheviçin. E ashtuquajtura botë di gjithçka mbi të vërtetën. Unë nuk e di të vërtetën. Por unë shoh, dëgjoj, ndjej. Më kujtohet. Ndaj jam sot këtu, afër Jugosllavisë, afër Serbisë, afër Sllobodan Millosheviçit.

Kjo afërsi e tij kishte ardhur që prej kohësh kur besonte se bota ishte e padrejtë ndaj serbëve, e sidomos shtypi Perëndimor. Ndarja e Nobelit shkaktoj reagime pasi u konsiderua e padrejtë dhënia e çmimit më të lartë për një autor që mbështeste kreun e Serbisë, nga veprat e të cilëve plagët ende nuk janë shëruar.

Në këtë kënd çdo ditë prej vitesh rri një grup shkrimtarësh, artistësh e gazetarësh që Handken e mbajnë mend mirë. Filip David, një prej shkrimtarëve më të famshëm të Beogradit, e ka të vështirë të thotë gjë për kolegun austriak. Si stil shkrimtari nuk i pëlqen, por i kupton ata që e duan. Thellësisht i zhgënjyer shfaqet David kur përmendet emri i austriakut.

Filip David, shkrimtar: Kundër nesh që kemi qenë kundër politikës së Millosheviçit, ai këtë politikë e ka përkrahur. Kjo ka qenë një politikë e kobshme dhe e dëmshme për Serbinë, një politikë nacionaliste. Ai ka qenë në varrimin e Millosheviçit dhe dikur ka shkruar një pamflet ku sqaronte se si ishin të lumtur pensionistët që kishin nga një markë pensionet dhe se si krijohej empati nga shitësit dhe blerësit e karburantit me bidona. Lavdëronte diçka që për ne nënkuptonte varfëri totale.

Ky lajm ka ndarë edhe miqtë. Linja e hollë është në mes të veprës dhe karakterit jashtë kopertinave. Gjykimi duket më i vështirë nëse tentohet të ndahet vepra nga autori. Novica Milliç, ka qenë prej vitesh profesorë i letërsisë botërore në universitet. E kujton një nga takimet e tij në qendër të Prishtinës pak vite para luftës, pasi Handke botohej nga shtëpitë botuese të serbëve të Kosovës. Milliç, e quan si shkrimtarin më të mirë të botës që meriton çmimin- megjithatë.

Novica Milliç, profesor universitar: Unë i kam thënë kur kam patur rastin atij. Handke del të jetë naiv, jo shumë i informuar dhe ka patur vlerësime të gabuara edhe për Millosheviçin dhe për rënien e Jugosllavisë. Ai është vetëm një rast tjetër i një shkrimtari të mrekullueshëm që është dështim total politik. Ka patur raste dhe më parë dhe nuk më befason për Handken.

Ndarjen e çmimit disa e kanë pritur me gëzim e disa trisht në rajon, pasi i urryer pas dashurisë ndaj Millosheviçit, nuk dukej i pranueshëm. Për një pjesë të serbëve kjo ka qenë lumturi. Autori austriak padyshim që kishte zgjedhur anë dhe vuajtja e tij për Jugosllavinë duket edhe në autorësinë e tij që quhet; “ndarja e ëndërrimtarit nga toka e humbur”./ABC News albania

etiopia-cmimi-paqja-1280x720.jpg
nev ila13:17 | 11/10/2019

Kryeministri i Etiopisë Ahmed Ali ka marrë cmimin Nobel për paqe të këtij viti, për përpjekjet e tij në rivendosjen e paqes në very – lindje të Afrikës. Si dhe për vendimin për të zgjidhur mosmarrëveshjet për kufirin me Eritrenë.

Komiteti norvegjez për Nobel 2019 i ka dhënë Nobel-in për paqe kryeministrit të Etiopisë Abi Ahmed Ali, autor i një marrëveshjeje historike për paqen me Eritrenë fqine pas më shumë se 30 vitesh konflikt.

Cmimi është një mirënjohje për të gjithë protagonistët që punojnë për paqen dhe pajtimin në Etiopi dhe në rajonet e Afrikës lindore dhe very-lindore.

Kur Ahmed u bë kryeministër në prill të 2018-ës, ai shprehu qartë dëshirën për rifillimin e bisedimeve për paqe me Eritrenë. Në bashkëpunim me homologun e tij nga Eritrea ai hartoi në mënyrë të shpejtë një marrëveshje paqeje për t’I dhënë fund ngërcit mes dy vendeve.

Në Etiopi, dhe pse ka ende shumë punë për të bërë, Ahmed ka ndërmarrë një sërë reformash të rëndësishme të cilat u japin shumë qytetarëve shpresën për një jetë më të mirë dhe një të ardhme të sigurtë.

Në 100 ditët e tij të para si kryeministër ai anuloi gjendjen e jashtëzakonshme të shpallur në vend duke i dhënë amnisti mijëra të burgosurve politikë; ndërpreu censurën mediatike dhe ligjëroi grupet e opozitës duke pezulluar nga postet liderë ushtarakë dhe civilë të akuzuar për korrupsion. Ai gjithashtu rriti në mënyrë domethënëse influencën e grave në jetën politike dhe të komunitetit. Por përforcoi dhe demokracinë duke organizuar zgjedhje të lira.

Janë të shumtë ata që mendojnë se këtë vit cmimi Nobel për paqe është dhënë shumë shpejt por komiteti norvegjez thekson se përpjekjet e kryeministrit të Etiopisë meritojnë mirënjihje dhe kanë nevojë për inkurajim.

Etiopia është vendi i dytë më i populluar i Afrikës dhe ekonomia më e madhe e Afrikës Lindore. Një Etiopi paqësore, e qëndrueshme dhe e suksesshme do të ketë shumë pasoja positive dhe do të kontribuojë në përforcimin e vëllazërisë mes kombeve dhe popujve të rajonit.

Ishin 301 kandidatët për cmimin Nobel këtë vit, 223 individë dhe 78 organizata, rregullorja parashikon se këta emra duhet të qëndrojnë secret për 50 vitet e ardhshme./ABC News Albania 24/7

shkrimtaret-amerike-1280x708.jpg
nev ila13:00 | 11/10/2019

Xhenifer Egen, presidente e shoqatës së shkrimtarëve në Shtetet e Bashkuara të Amerikës, reagoi ashpër për dhënien e çmimit Nobel për Letërsi austriakut Peter Handke.

Ajo u shpreh se zakonisht shoqata që drejton nuk reagon asnjëherë nga cmimet që japin institucionet e tjera sepse vendimet janë subjektive dhe kriteret nuk janë uniforme.

Por këtë vit, ajo tha se ishte befasuar se si një shkrimtar i cili përdor figurën e tij publike për të minuar të vërtetën historoike, si dhe mbështet autorët e genocidit si Milloshevic dhe Karaxhiç, mund të vlerësohet me një cmim të tillë./ABC News Albania 24/7


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono