Muajt e fundit, Kim Kardashian dhe Kanye West kanë qenë kryefjala e mediave, për shkak se janë përfolur se po shkojnë drejt ndarjes. Ndërkohë, së fundmi dyshja ka treguar komplet të kundërtën pasi është mësuar se janë arratisur drejt Republikës Domenikane për disa ditë pushime me fëmijët.
Ylli i “Keeping With The Kardashians” ka ndarë me ndjekësit në rrjete sociale disa foto, ku shihet së bashku me reperin dhe vajzën e tyre të madhe, North. Ylli televiziv si gjithmonë dukej e kuruar deri në detaj, e veshur me një fustan me printe leopardi. Udhëtimi i tyre vjen pas disa raportimeve se gjërat mes çiftit të njohur po shkojnë keq.
Ndërkaq, kujtojmë që pak ditë më parë Kim foli për vështirësitë që ka kaluar gjatë periudhës që reperi u infektua me koronavirus. “‘Ishte kaq e frikshme dhe e panjohur. Unë kisha katër fëmijët e mi dhe askënd tjetër në shtëpi për të ndihmuar.”, tha ndër të tjera Kim. xh.d/abcnews.al
