Nga sot në Kosovë do të trefishohen kapacitetet testuese. Lajmin e ka dhënë Ministri i Shëndetësisë Armend Zemaj në një konferencë për mediat.
Gjatë fjalës së tij ai falënderoi qeverinë gjermane për dhurimin e 15 respiratorëve.
“Përmes juve po e falënderojmë popullin gjerman për të gjithë këtë angazhim, në mënyrë që Kosova ta kalon e menaxhon sa më lehtë pandeminë. Kjo është ndihmë për profesionistët shëndetësor dhe angazhimin e tyre për të shpëtuar çdo jetë,” u shpreh Zemaj.
Ministri shtoi se nga sot në Kosovë do të trefishohen kapacitetet testuese.
“Nga sot do të trefishohen kapacitetet testuese, edhe kjo ndihmë nga partnerët ndërkombëtar, po pranojmë këtu 15 respiratorë. Ngritja e kapaciteteve humane është pjesë e angazhimit tonë.” s.b/abcnews.al/
