Hatem Ben Arfa është pa ekip prej datës 1 gusht. Aventura e fundit te spanjollët e Valladolid nuk shkoi mirë. Vetëm pesë ndeshje dhe asnjë gol i shënuar për mesfushorin sulmues, i cili është rikthyer në Ligue 1.
L’Equipe raporton se agjenti i lojtarit franko-tunizian ka arritur akordin me Bordeaux. 33-vjeçari do të firmosë për një vit me klubin e njohur francez.
Bordeaux numëron 9 pikë pas javës së gjashtë në Ligue 1 dhe mban pozicionin e nëntë në renditje. Kualiteti i Ben Arfa nuk vihet në dyshim dhe drejtuesit shpresojnë që lojtari ofensiv t’i ndihmojë me gola dhe asiste. /abcnews.al
