Befasia e radhës te Kukësi. Pas Bruno Telushit, i cili ishte afruar gjatë kësaj vere dhe u largua drejt Neftchi Baku në Azerbajxhan, një tjetër futbollist i rëndësishëm i formacionit të verilindorëve largohet.
Abcnews.al mëson se bëhet fjalë për Emiljano Mustën, anësorin që firmosi para pak kohësh rinovimin edhe për dy vite me Kukësin. Gjithsesi ai nuk do të jetë pjesë e nënkampionëve për sezonin e ardhshëm, pasi ka arritur marrëveshjen për ndërprerjen e kontratës dhe është lojtar i lirë.
E pakuptueshme çfarë po ndodh te Kukësi gjatë kësaj vere, teksa janë larguar disa prej lojtarëve kryesorë të formacionit. Tifozët pas largimit të Telushit nuk u kursyen me komente kundër klubit dhe me shumë mundësi do të ndodhë e njëjta gjë edhe për Mustën. / abcnews.al
