Milani e do edhe një mesfushor dhe emrat që janë lakuar gjatë kësaj vere kanë qenë disa. U mendua se kishte një akord për Bakayoko dhe francezi do të rikthehet në Serie A, por deri më tani nuk ka ndodhur diçka e tillë.
Tashmë te Milani po mendojnë për një tjetër pistë. Kuqezinjtë po interesohen për Lucas Torreira, të cilin Arsenali nuk e ka në plane dhe dëshiron që ta shesë. Gianluca Di Marzio raporton se italianët kanë pyetur “Topçinjtë” për mënyrën si mund ta transferojnë mesfushorin.
Edhe Fiorentina interesohet për ish-lojtarin e Sampdoria, por kuqezinjtë janë të favorizuar. Torreira kaloi tek Arsenali në korrik të vitit 2018 dhe për të Arsenali pagoi 29 milion euro, ndaj edhe kërkon të kthejë një pjesë të investimit prapa. /abcnews.al
