Loading ...
Ministri britanik i shëndetësisë, Matt Hancock nuk e përjashtoi mundësinë e një izolimi të dytë të Britanisë. Ai tha se “numri i pacientëve të shtruar në spitale po dyfishohet çdo tetë ditë dhe ne do të bëjmë çdo gjë për t’i mbajtur njerëzit e sigurtë”.
I pyetur për mundësinë e izolimit të vendit për dy javë për shkak të shpërthimit të koronavirusit, ai shtoi se “një izolim i dytë i vendit është hapi i fundit në strategjinë e mbrojtjes dhe ne duan fillimisht të praktikojmë izolimin lokal”. Por ai shtoi se izolimi i vendit është “gjithmonë një mundësi në tavolinë, por është diçka që ne duam ta shmangim”. “Fatkeqësisht nuk po rriten vetëm numrat e të infektuarve por edhe e personave që po shtrohen në spitale”, tha ministri i shëndetësisë./abcnews.al
