Një i ri nga Malajzia gjeti video dhe selfie të një majmuni në telefonin e tij të humbur një ditë më parë në shtëpinë e tij. Zackrydz Rodzi mendon se një majmun e mori smartphone-in e tij ndërsa ai ndodhej në gjumë.
Videot dhe imazhet e majmunit që përpiqet të hajë telefonin janë bërë virale në rrjete sociale. Zackrydz tha për BBC se kuptoi se telefoni i tij ishte zhdukur kur u zgjua.
“Nuk kishte asnjë shenjë grabitjeje. E vetmja gjë në mendjen time ishte se ishte një lloj magjie,” tha i riu që studion për shkenca kompjuterike nga Batu Pahat në shtetin jugor të Johor.
Zackrydz tha se nuk arriti të gjente asnjë gjurmë të telefonit të tij deri kur babai i tij vuri re një majmun jashtë shtëpisë së tyre. “Diçka që ju mund ta shihni një herë në një shekull,” shkroi i riu në Twitter. xh.d/abcnews.al
