Ish-sulmuesi i PSG-së, Edinson Cavani, vazhdon të jetë pa ekip. Uruguaiani ka që në muajin qershor që është një lojtar i lirë, pasi ai nuk e rinovoi kontratën me kampionët e Francës. Tashmë Cavani ndodhet në vendlindjen e tij, ku ka vazhduar stërvitjen individuale si dhe në kohën e lirë ai ushtron pasionet e tij.
Një nga këto është edhe baleti klasik. 33-vjeçari filloi ta praktikonte në Paris atë si dhe më pas ra në dashuri me baletin. Edinson i është bashkuar trupës kombëtare të Uruguajit dhe në këtë mënyrë ka promovuar kërcimin tek rinia e vendit të tij.
Another reason why I love Cavani. Back in Paris, he found ballet as a place of refuge. Then he fell in love. Now, back in ?? he joins forces with the nation’s @BNSballet to promote youth ? and challenge the macho stigma that it’s not for boys (via @BNSballet h/t @Jon_LeGossip) pic.twitter.com/cQtMHP5yoU
— Luis Miguel Echegaray (@lmechegaray) September 10, 2020
Ai kërkon të provojë se baleti nuk është një sport i ndaluar për meshkujt dhe nuk është një tabu ushtrimi i tij. Ndërkohë nga ana tjetër për sa i përket të ardhmes së tij nuk ka asnjë zhvillim në ditët e fundit.
Në ditët e para të merkatos ishte Juventusi që pati një interesim për shërbimet e tij, por ishte vetë Cavani që e refuzoi ofertën e bardhezinjve për shkak të dashurisë së tij për Napolin. /abcnews.al
