Kim Kardashian e mbështet vendimin e Kanye West për të kandiduar për President i Shteteve të Bashkuara. Çifti i famshëm e ka përballuar mjaft mirë “stuhinë” gjatë muajve të fundit, për shkak të deklaratave të reperit gjatë fushatës presidenciale. Ylli i “Keeping Up With The Kardashians” dëshiron që bashkëshorti i saj të bëjë “gjithçka që e bën atë të lumtur”.
“Kim vazhdon të jetë tepër e durueshme dhe e mirëkuptueshme lidhur me dëshirën e Kanye për të kandiduar për President. Ajo thjesht dëshiron të kalojë muajt e ardhshëm në paqe. Ajo po qëndron pas ndërsa Kanye bën gjithçka që e bën atë të lumtur.“, tha një burim për “People”.
Kohët e fundit u raportua se Kanye, ka shpenzuar 6 milion dollarë në fushatën e tij presidenciale që nga fillimi i saj vetëm dy muaj më parë. Sidoqoftë, tashmë thuhet se 39 vjeçarja dhe Kanye kanë një raport më të mirë mes tyre dhe gjërat po ecin në rrugën e duhur.
“Kim dhe Kanye tashmë janë mirë. Kanye është në një gjendje më të mirë mendore. Martesa e tyre ende ka nevojë për punë, por Kim po merret me të.“, shtoi më tej burimi. xh.d/abcnews.al
