Mbrojtësi i Parmës, Matteo Darmian, është shumë pranë një transferimi tek Interi. Sipas raportimit të “Tuttomercatoweb”, agjenti i lojtarit ka arritur marrëveshjen me drejtuesit zikaltër dhe tashmë ka mbetur vetëm zyrtarizimi. 30-vjeçari që u aktivizua në 34 ndeshje në sezonin e fundit në Serie A do t’i kushtojë 2 milionë euro Interit.
Ndërkohë Antonio Conte vazhdon ta kërkojë me ngulm Ngolo Kanten në Milano. Mesfushori i Chelseas vazhdon të mbetet prioritet i Interit në merkato, por gjithçka varet merkatoja në dalje e klubit.Kështu nëse Ivan Perisic dhe Marcelon Brozovic largohen “San Siro”, atëherë Interi do t’i bëjë londinezëve një ofertë zyrtare për kampionin e botës me Francën.
Bayern Munchen e ka bërë tashmë ofertën prej 12 milionë eurosh për Perisic, ku kujtojmë që kroati ishte i huazuar këtë sezon tek bavarezët. Në rast largimi të Thiago Alcantarës drejt Liverpoolit, atëherë kampionët e Europës do ta mendojnë seriozisht ta transferojnë dhe Brozovicin. /abcnews.al
