Një zjarr i fuqishëm në fshatin Nikolicë të Dardhës

30 ha janë përfshire nga zjarri në pyjet e Dardhës në afërsi të fshatit Nikolicë. Vatrat e zjarrit janë shfaqur që prej pasdites se djeshme dhe jane shtuar si pasojë e favorizimit nga era. Për shuarjen e flakëve janë angazhuar forcat e ushtrisë, shërbimi pyjor, por edhe banorë të zonës.
Sipas Aleks Xhaçit, përgjegjes i sektorit të pyjeve në bashkinë Devoll, prej dy ditësh po punohej për izolimin e vatrave të zjarrit.
Vetëm sot në mesditë me mbërritjen e shërbimit zjarrfikës të ushtrisë u bë e mundur izolimi i këtyre vatrave të zjarrit.