Presidenti i Shqipërisë, Ilir Meta, ka uruar ekipet shqiptare, Kukësi dhe Laçi, për kualifikimet e tyre në UEFA Europa League. Meta shkroi në faqen e tij zyrtare në Facebook:
“Sukses i shkëlqyer i skuadrave shqiptare në arenën sportive europiane! Edhe Kukësi dhe Laçi kualifikohen në turin e dytë të Ligës së Europës. Urime të dy ekipeve për këto fitore të merituara dhe premtuese”, shkroi Ilir Meta.
Kukësi mposhti me rezultatin 2-1 ekipin e Slavia Sofia, për të kaluar në turin e dytë kualifikues të UEFA Europa League, ndërsa Laçi mori një fitore të madhe në Azerbajxhan kundër Keshla, pas gjuajtjeve të penalltive./abcnews.al
