Emmanuel Egbo ka denoncuar një person, i cili përmes një llogarie në “Facebook” po tenton të përfitojë të përfitojë para nga futbollistët nigerianë. Ai u premton atyre se do t’i sjellë në Shqipëri dhe se menaxhon trajnerin e Tiranës. Egbo, me ta mësuar diçka të tillë, ka reaguar dhe u thotë të gjithëve të mos mashtrohen.
“Për ata që mund t’ju interesojë, thjesht mësova se një agjenci me emrin Izvođenje Izviđača Agencija, po hiqet si agjenti im, duke u përpjekur të përfitojë para nga lojtarët nigerianë, me pretekstin se mund t’i sjellë ata në Shqipëri ose Europë, pasi ai është agjenti im dhe agjencia ime.
Duhet të sqaroj se të gjithë duhet të jenë të kujdesshëm, që të mos merren me këtë agjent. Unë nuk e njoh atë dhe nuk e kam parë asnjëherë në jetën time.
Kini kujdes me kë merreni. Ka shumë faqe të rreme në rrjetet sociale, që thjesht përpiqen të përdorin fotot e mia për të marrë para nga njerëzit”, deklaron Egbo, për “allnigeriasoccer.com”. /abcnews.al
