Jasir Asani nuk do të rikthehet te Partizani. Sulmuesi anësor ka edhe gjashtë muaj kontratë dhe AIK në Suedi vendosi të mos e blejë. Djaloshi nga Shkupi do ta vijojë karrierën në Turqi dhe akordi mes tij dhe klubit të ti është gjetur.
Supersport raporton se Sivaspor e ka bindur sulmuesin, i cili është gati të nisë një eksperiencë të re në klubin turk që do të marrë pjesë në grupet e Europa League. Një hap i madh për Asanin, por mbetet të shihet nëse do të ketë hapësira për të në Superligën turke.
Që të bëhet zyrtarizimi i kësaj lëvizjeje, Sivaspor duhet të gjejë marrëveshjen me Partizanin. Të kuqtë nuk besohet se do të bëhen pengesë, duke parë edhe faktin që kontrata është drejt përfundimit dhe vetëm tani mund të përfitojnë diçka nga transferimi i Asanit. /abcnews.al
