Shkodra është tronditur sërish nga një sulm me armë zjarri.
Sipas raportimeve të para është qëlluar me armë zjarri automatik Gledis Kraja, 23-vjeç në lagjen “Perash” të qytetit.
Siç raporton gazetari Simon Shkreli për abcnews.al, Kraja është qëlluar ndërsa ishte duke lëvizur me makinën e tij tip “Ford”.
I riu Gledis Kraja është transportuar për në spitalin e Shkodrës, por nuk ka arritur t’u mbijetojë dot plagëve të marra dhe ka ndërruar jetë.
Ende nuk dihen autorët e ngjarjes dhe shkaqet që e sollën këtë atentat por nga të dhënat paraprake mësohet se vrasja ka ndodhur për motive të dobëta.
Sakaq grupi hetimor ka gjetur 18 gëzhoja në vendin e ngjarjes ndërsa policia e Shkodrës ka dhënë edhe informacionin e saj për vrasjen.
Njoftimi i Policisë:
Shkodër/Informacion paraprak
Rreth orës 21:55, në lagjen Daniel Matlija, pranë një marketi, Shkodër, në rrethana ende të paqarta është plagosur me armë zjarri armë zjarri, shtetasi G.K, 23 vjec banues në lagjen Perash, Shkodër, i cili sapo ka ndërruar jetë në Spitalin Rajonal Shkodër.
Në vendngjarje ndodhen shërbimet e policisë, dhe grupi hetimor i cili po punon për sqarimin e rrethanave të kësaj ngjarje.
Forcat e Policisë të DVP Shkodër dhe të FNSh kanë rrethuar zonën dhe vijon kontrolli për kapjen e autorit./abcnews.al
