Ish-mbrojtësi i Manchester United, Rio Ferdinand, ka kritikuar ashpër Pep Guardiolën. Ferdinand, në studion e BT Sport, tha: “Jam i habitur, pasi Manchester City ishte një nga skuadrat favorite të kompeticionit, duke parë edhe lojtarët që ka në organikë.
Por, dukej se ndaj Lyonit nuk kishte zbritur fare në fushë. Mendoj se lojtarët më kreativë të Guardiolës ishin në stol dhe me hyrjen në fushë të Mahrez, u pa një ndryshim.
Sterling dhe Ederson kanë bërë gabime të pafalshme. Mendoj se Guardiola ka faj për formacionin që ka hedhur në fushë. Edhe vendimi për ta nisur me Cancelon, më duket i gabuar”, u shpreh Ferdinand./abcnews.al
