Borussia Dortmund ka arritur akordin me Real Madrid për huazimin e Reinier. 18-vjeçari aktivizohet në rolin e mesfushorit ofensiv dhe atë të sulmuesit të majtë. 30 milion euro paguan “Los Blancos” për ta marrë nga Flamengo në janar.
Braziliani ka luajtur me ekipin e dytë të Real Madrid dhe ka shënuar dy gola në tre ndeshje. Mundo Deportivo raporton se Reinier do të fluturojë ditën e sotme drejt Gjermanisë për të kryer kontrollet mjekësore dhe për të firmosur me verdhezinjtë.
Klubi spanjoll e sheh kalimin e tij në Bundesligë si një mundësi të mirë për të fituar minuta, eksperiencë dhe për t’u rritur, teksa Dortmundi ka përforcuar repartin ofensiv dhe është gati të rrisë një tjetër talent. /abcnews.al
