Manchester City dhe Lyon u kualifikuan në çerekfinalet e Champions League, ndërkohë që ditën e sotme do të zhvillohen edhe dy përballje të tjera që do të tërheqin vëmendjen e tifozëve anembanë botës prej orës 21:00.
After tonight's #UCL action…
Has your prediction for the 2019-20 Champions League winner changed? ? pic.twitter.com/TEd1oVm912
— GOAL (@goal) August 7, 2020
Në Katalonjë Barcelona ka në dorë kualifikimin, që e arrin duke mundur skuadrën e Napolit. Takimi i parë në Itali, para pandemisë, është mbyllur në barazim 1-1. Spanjollët duan t’i shkojnë deri në fund këtij kompeticioni, pas dështimit për të fituar La Liga.
Champions zbarkon edhe në Gjermani sonte. Bayern Munich përballet me londinezët e Chelsea dhe kalimi në turin tjetër duket një formalitet. Bavarezët e kanë fituar ndeshjen e parë 3-0 në “Stamford Bridge” dhe shumëkush e shikon si shëtitje këtë ndeshje, por në Champions rrallë ka sfida të tillë.
SHQIPTARËT NË CHAMPIONS – Drita, kampione e Dardanisë, nis pasditen e sotme aventurën në Champions League, sigurisht në raundin paraeliminator. Skuadra nga Gjilani ka zbarkuar që dje në Nion të Zvicrës dhe prej orës 18:00 përballet me kampionët e Andorra, Inter Escalade.
Kjo është përballja gjysmëfinale dhe nëse Drita e kalon, atëherë në finalen për të kaluar në raundin e parë eliminator do të përballet me fituesin e çiftit Tre Fiori-Linfield. / abcnews.al
