Mbesa e Princeshës Diana është fejuar me të dashurin e saj, me të cilin ishte në lidhje prej 11 vitesh.
Dyshja u takuan gjatë kohës së tyre në universitet, ndërsa propozimi ishte në Clouds Wine në Afrikën e Jugut. Sipas Fox News, Amelia Spencer është fejuar me Greg Mallett, një agjent i pasurive të patundshme. 30 vjeçari i propozoi asaj të mërkurën e kaluar dhe e ndau lajmin në Instagram.
Në postimin e tij, çifti shfaqen duke shkëmbyer puthje dhe vëmendjen e ka marrë unazën magjepsëse e 28-vjeçares.
“Kjo ishte dita më e lumtur e jetës sime. 22 korrik 2020, e pyeta dashurinë e jetës sime të kaloj pjesën tjetër të jetës time me të dhe ajo tha PO. Nuk mund të isha më i lumtur dhe të dua me gjithë zemër Amelia”, shkroi Mallett.
Ndërsa Spencer la një koment të ëmbël në postimin e partnerit: “Nuk mund të doja më shumë. Dita më e lumtur e jetës time”. /abcnews.al
https://www.instagram.com/p/CDJF0WfpJwb/?utm_source=ig_web_copy_link
