Ish-trajneri i Manchester United, David Moyes, duket se nuk e ka harruar ende shkarkimin, edhe pse kanë kaluar shumë vite që nga periudha kur drejtuesit e “Djajve të Kuq” i treguan derën strategut anglez.
Që nga ajo kohë, United ka pasur emra të mëdhenj në stol, si Van Gaal e Mourinho, por vetëm norvegjezit Solskjaer po i japin më shumë kohë se të tjerëve. Kjo gjë, ka bezdisur edhe Moyes, i cili tha: “Manchester United është një klub i mrekullueshëm dhe një vend i shkëlqyer për të punuar.
Për mua, është klubi më i madh në botë. Solskjaer ka pasur një start të vështirë, por diferenca mes meje dhe atij, është që ai pati më shumë kohë në dispozicion. Solskjaer ka marrë lojtarë nga akademia dhe Manchester United gjithmonë është mbështetur te të rinjtë”, u shpreh David Moyes./abcnews.al
