Tirana u shpall kampione e Shqipërisë të dielën dhe në kampin bardheblu festuan deri në orët e para të mëngjesit. Edhe pse në periudhë pandemie dhe me rregulla strikte, ka qenë e pamundur t’i mbaje tifozët.
Ata pushtuan sheshin “Nënë Tereza” dhe festuan, por nuk munguan edhe problemet. Policia ndaloi disa prej tyre. Një ditë më parë, sërish ka pasur festë për Tiranën dhe këtë herë në stadiumin “Selman Stërmasi”.
Në kuadër të përgatitjeve të 100 vjetorit, klubi bardheblu po bën një këngë dhe një ditë më parë janë bërë edhe regjistrime të klipit. Albi Doka, mbrojtësi i Tiranës, është treguar i pakujdesshëm dhe ka zbuluar gjithçka me postimet e tij në “Instagram”. /abcnews.al
